خلي هجرني تكفى يا مـوت زرنـي
وان ما قدرت دلني مكانك وأنا أجيك
مابـي حياتـي دام خلـي هجرنـي
مابي حياتـي دامـه يقـول مابيـك
يدري بظلم الناس يـدري وظلمنـي
وأكد كـلام اللـي يقولـون ناسيـك
لكـن قبـل لاتاخـذ الـروح منـي
باسأل حبيبي كم سـؤال وأخاويـك
وشلـون قلبـك ياحبيبـي تركنـي
وتدري بخفوقي كم له شهور هاويك
وما تدري بعـادك وصـدك ذبحنـي
وما تدري عن دمع نثرته وأنا أرجيك
إسأل جميع الناس وش صار عنـي
إسأل وش اللي صار في حال مغليك
لو عاش عاقل عيشتي كـان جنـي
حالي لـو تشوفـه بعينـك يبكيـك
لوعلموك وش كثر همـي وحزنـي
من يوم حبي انتهى وصار ماضيـك
لو علموك عن قلبـي اللـي يونـي
مطعون يصـرخ يشتكيلـك يناديـك
صار الحزن هو لعبتي صـار فنـي
ابكي ندم والله لا حـل طاريـك
ضيقت صدر ويا الهمـوم إسكنتنـي
احكي وأكمـل ولا ماقلـت يكفيـك
اللي سمعتـه بسبتـك إنـت جتنـي
عطيتني كرهك وأنا الحب معطيـك
ضاعت سنيني وأنـا بالحـب ابنـي
قصور وإنهدت سبب فعلت إيديـك
جاك الوفا والحـب والعشـق منـي
حتى الوله والشوق والصدق مهديـك
قلبي وفالك وإنـت قلبـك خدعنـي
خدعت قلب كـان بالحـب شاريـك
بكذب وخيانة وغدر قلبـك حضنـي
في وقت قلبي فيه يسهـر يداريـك
ماكنت أظن قصدك بحبـك تذلنـي
ذليتني من بعـد ما مـت أنـا فيـك
هذي حقيقة بعـض ما منـك جتنـي
وبعض اللذي إسقيتني سم بإيديـك
ماكنت ساكت خايـف بـس لأنـي
ميت بحبك ما أقدر أزعلك وأشقيـك
حرّمت أقولك من محبتـك عطنـي
مادام غيري في محبتـه مرضيـك
ببعـد بعيـد و أوعـدك مـا أحنـي
إبشر أببعـد ومـع حبيبـك بخليـك
وأبي مماتـي ياخـذ الـروح منـي
تاركلـك الدنيـا بهـا الله يهنـيـك
وإذا سأل في يوم أنا إنسـان عنـي
قله توفـي والسبـب طعـن بيديـك
قله توفى و السبب ... طعن بيديك 
العرض العادي
